QUEDADA

EIBAR 0-0 CD LUGO FOTOS

Soubo sufrir o CD Lugo para saír vivo do “inferno” de Ipurúa e rendibilizar ao máximo o solitario tanto anotado por Belencoso no partido de ida disputado no Ángel Carro. O Eibar xogou ao límite, abusando do xogo directo para tratar de amedrentar a un conxunto lucense que se defendeu con orde e rigor e que dispuxo incluso dalgunhas boas oportunidades para decidir o envite ao seu favor.
A pesar da súa insistencia, o cadro eibarrés, terceiro clasificado do grupo segundo de Segunda División B, non logrou ver portería nos 96 minutos de que dispuxo para facelo e terminou sendo apeado da fase de ascenso por un conxunto lucense que continúa adiante na súa loita por alcanzar a categoría de prata do fútbol español.

C.D.LUGO-EIBAR FOTOS

Siareiras Galegas exige ao Parlamento espanhol que deixe de bloquear a participaçom desportiva da Galiza

 

Tirado do galizalivre

Redaçom/ A associaçom de aficionadas e aficionados das Seleçons Galegas desportivas juntárom forças com os coletivos irmaos do País Basco e Catalunha para chegar à tribuna do congresso dos deputados espanhol, a instáncia legislativa que está a impedir que Galiza participe nas competiçons internacionais e nas Olimpíadas. Parlamentares dos grupos nacionalistas (BNG, ERC, AMAIUR, Iniciativa per Catalunya e Coalición Canaria) apoiárom as demandas dos siareiros, apesar do qual a maioria das forças espanholas poderám manter o bloqueio.

Davide Rodeiro, membro da delegaçom de SSGG que se deslocou até Madrid, explicou na rolda de imprensa posterior, no próprio congresso, que "só reclamamos um direito" e "pedimos normalizar umha situaçom", ao passo que lembrou que além de pedir ao legislativo a mudança de atitude, os siareiros "trabalhamosna rua, nos pavilhons e nos estádios por este direito". Aliás, lembrou que o desporto e as competiçons internacionais nom estám formalmente vinculadas aos estados, mas às federaçons desportivas, "e nom devemos esquecer que as federaçons som entidades privadas", apesar de que no Estado espanhol as pressons políticas tenham levado a esta situaçom.

Como em Escócia

Davide incidiu na viabilidade de umha petiçom que somente o obcecaçom do espanholismo impossibilita. De facto, há já umha vintena de seleçons galegas a participarem em federaçons desportivas internacionais, da mesma maneira que Escócia e Gales, por exemplo, compitem em todas as disciplinas desportivas.

A comparecência emarca-se na proposta nom de lei da esquerda abertzale (Amaiur), conforme a qual o congresso espanhol debateria o direito das naçons sem estado a participar nas competiçons desportivas.

ON TOUR EIBAR

A conta atras segue,pero nós non paramos....

 

 

TODOS A EIBAR!!!!

Xa vos podedes apuntar ata o venres as 13:00h nas oficinas do Clube.O prezo é de 10Euros(bus)+20(entrada)

C.D.LUGO 1-0 EIBAR FOTOS

Belencoso fai soñar ao Lugo

---

Un solitario tanto de Belencoso, ao fío da media hora do segundo tempo, deulle a vitoria ao CD Lugo ante o Éibar no partido de ida da primeira eliminatoria da fase de ascenso a Segunda, disputado este domingo no Ángel Carro.
O ariete branquivermello aproveitou unha indecisión entre a defensa e o porteiro do Éibar, e o seu remate permite ao Lugo soñar pensando no partido de volta, dentro dunha semana.
Foi un choque intenso e, en ocasións, tenso. Os visitantes demostraron que son un rival duro de pelar, e de feito os primeiros minutos xogáronse máis na área defendida polo local Diego Rivas que na de en fronte. Aos poucos, en cambio, o Lugo foise asentando no campo, aínda que o partido nunca tivo un dominador claro. Si tiveron máis ocasiones os lucenses, que nalgunha ocasión volvéronse a mostrar pelexados co gol, pero os vascos souberon contragolpear con perigo. Así as cousas, acabou decidindo unha ocasión illada, cando faltaban poucos segundos para o minuto 75.
O choque pode pasar factura aos lucenses. Carlos Pita retirouse lesionado ao pouco de comezar a segunda parte.
Aínda que o resultado é curto, o adestrador local, Quique Setién, recordou que no partido de volta "eles teñen que marcar polo menos un gol", o que non será "doado", avisou, mentres que os lucenses contarían co dobre valor dos tantos en campo contrario
20/05/2012 - El Progreso Digital (Lugo)

QUENTANDO MOTORES

#EspirituDo92